Chainalysis компани луйврын илрүүлэлтээр мэргэшсэн Alterya стартапыг 150 сая ам. доллараар худалдан авлаа. 2022 онд үүсгэн байгуулагдсан Alterya компани санхүүгийн болон крипто компаниудын луйврыг илрүүлэхийн тулд хиймэл оюун ухааныг ашигладаг. Энэхүү худалдан авалт нь өөрийгөө удирдах хиймэл оюун ухааны агентуудад хандсан нэмэгдэж буй сонирхлыг онцолж байна. Alterya нь луйврын илрүүлэлтэнд зориулан хиймэл оюун ухааны агентуудыг ашигладаг компани бөгөөд нууц горимоос гарахаас өмнө л блокчэйн салбарын тэргүүлэгч Chainalysis компанид зарагдаж байна гэж Business Insider агентлаг хэд хэдэн эх сурвалжаас мэдээлэв. Худалдан авалтын үнийн дүнг 150 сая ам. доллар орчим гэж тухайн хэлцэлтэй танилцсан хоёр хувь хүн мэдээлжээ. Alterya компани Battery Ventures, Y Combinator, NFX, болон Nyca компаниудаас 9. 8 сая ам. долларын үрийн хөрөнгө оруулалт авсан.

Тус компани алдарт Silicon Valley-ийн инкубатор Y Combinator-ийн төгсөгч бөгөөд Израильд төвтэй ба санхүүгийн байгууллагууд, финтек, крипто үйлчилгээ үзүүлэгчийг онилсон луйвруудыг илрүүлэх, зогсоох агентуудаар дэмжигдсэн хиймэл оюун ухааны технологийг бүтээсэн. Стартап нь вэбсайтууд, нийгмийн сүлжээ, текст мессеж, зэрэг газруудад хорон санаат дижитал хэн болохыг илрүүлж чадна гэж үздэг. Түүний харилцагч байгууллагуудын дунд Coinbase, Square, Binance багтдаг. Израилийн бизнесменүүд Elad Fouks болон Shahaf Gonen нарын үүсгэн байгуулсан Chainalysis компани криптогийн шинжилгээ болон шүүхийн шинжилгээний үйлчилгээ үзүүлж, Barclays болон BNY Mellon зэрэг санхүүгийн байгууллагуудад гэмт хэргийн үйл ажиллагааг илрүүлж, зохицуулалтын шаардлагыг хангах талаар туслалцаа үзүүлдэг. Chainalysis компани өнөөг хүртэл нийт 538 сая ам. долларын хөрөнгө оруулалт татаж, 2022 онд сүүлийн шатны хөрөнгө оруулалтынхаа үед компанийн үнэлгээг 8. 6 тэрбум ам. долларт хүргэсэн байна.