Meta компанийн хиймэл оюун ухааны гүйцэтгэх албан тушаалтан саяхан мэдэгдэхдээ Facebook-д хиймэл оюун ухаанаар үүсгэгдсэн профайл, хэрэглэгчид удахгүй бий болно гэжээ. Сүүлийн нэг жилийн хугацаанд тус нийгмийн сүлжээний компани AI технологийг Facebook зэрэг сайтууд дээр хөгжүүлж, сурталчилж байна. Энэ долоо дугаар сард AI дүр бүтээх туршилтын хэрэгслийг танилцуулснаар хэдэн зуун мянган дүр үүссэн. Одоогоор ихэнх нь хувийн боловч Meta эдгээр AI дүрүүдийг хэдэн жилийн дотор байнгын хэрэглээний элемент болно гэж найдаж байна. Meta-гийн бүтээлч хиймэл оюуны бүтээгдэхүүний дэд ерөнхийлөгч Коннор Хэйз Financial Times-д өгсөн ярилцлагадаа эдгээр AI профайлуудыг хэрэглэгчийн аккаунттай ижил төстэй функцтэй болгохыг зорьж байгаа бөгөөд профайлын зургууд, биог бичвэр, AI-ээр бүтээсэн контентыг үүсгэх, хуваалцах боломжтой гэж үзжээ. Хэйз Meta-ын дараагийн хоёр жилийн турш хэрэглэгчийн оролцоог сайжруулахын тулд AI хөрөнгө оруулалтыг "эрхэм зорилт" болгоно гэж мэдэгдсэн. Одоогоор хэрэглэгчид Meta AI-г зургийн засвар хийх, AI туслагч үүсгэх зэрэгт ашиглаж болно. Financial Times-д дурдсанаар Meta контент бүтээгчдэд өөрсдийнхөө дүрийг AI-ээр үүсгэсэн видеонуудад оруулах шинэ текстээс-видео руу програм хангамжийг танилцуулах төлөвтэй байгаа аж.

Гэвч мэргэжилтнүүд технологийн буруугаар ашиглагдахаас сэргийлж, нэлээд хамгаалалт шаардахыг уриалсан. Billion Dollar Boy компанийн маркетингийн гүйцэтгэх захирал, Meta-ын инновацын лидер асан Бекки Оуэн, хүний сэтгэл хөдлөл дутмаг AI контентын нэмэгдсэнээс болж платформын чанар буурах, худал хуурмаг мэдээлэл түгэх эрсдэлтэйг анхааруулжээ. Одоогийн байдлаар Facebook дээр AI-аар үүсгэгдсэн контент нь "AI Info" шошготой байх шаардлагатай. Meta-ын хэвлэлийн төлөөлөгч AI Studio-гийн чадваруудыг онцолж, хэрэглэгчдэд зугаа цэнгэл, туслалцааны зориулалтаар AI дүрүүдийг үүсгэх, харилцах боломжийг олгодог гэжээ. Үүнд хоол хийх зөвлөмж, зөвлөгөө, өдөр тутмын урамшуулал зэрэг багтана. AI-д оруулсан их хэмжээний хөрөнгө оруулалтын талаар Meta-ын гүйцэтгэх захирал Марк Цукерберг дөрөвдүгээр сард тэмдэглэхдээ, AI санаачлагуудаас их хэмжээний ашиг олох хүртэл нэлээд хугацаа шаардагдана гэж хэлсэн. AI хөгжүүлэлт илүү өргөн цар хүрээтэй ажил байгааг онцолж, анхны үр дүн амжилттай байгаа ч урт хугацааны ашиг өгч болохуйц байгаа гэж үзсэн.